Izinhlelo ze-UKZN Zamukelwe Ohlelweni iCFA Institute University Affiliation Programme

BY: .

Click here for English version

I-UKZN iyinyuvesi yakamuva ukwamukelwa ohlelweni i-CFA Institute University Affiliation Programme.

Iziqu, i-Bachelor of Business Science (Finance) ne-Bachelor of Commerce Honours (Finance) ezingaphansi kweKolishi lezoMthetho nokuPhatha, i-College of Law and Management Studies kwamukelwe ukuthi zihlanganisa amaphesenti okungenani angama-70 e-CFA Program Candidate Body of Knowledge (CBOK) futhi agqamisa indlela nezinga lokuziphatha i-CFA Institute Code of Ethics and Standards of Professional Conduct.

Lezi zinhlelo zombili zibeka abafundi ethubeni lokuthola imvume i-Chartered Financial Analyst (CFA®), okuyiyona ehlonishwayo futhi evunyiwe emkhakheni wokutshalwa kwezimali emhlabeni.

Ukungena kulolu hlelo, i-CFA Institute University Affiliation Programme kukhombisa izitshudeni, abaqashi nezindawo zokuhweba ukuthi okufundwa kulezizinhlelo kuyahambisana nendlela yokusebenza futhi kukufanele ukulungiselela abafundi ukuthi bahlale kwizivivinyo ze-CFA. I-Bachelor of Business Studies, iziqu zeminyaka emine okuhloswe ngazo ukuhlinzeka abafundi ngalo lonke ulwazi oludingekayo olulekelelwa ulwazi olucatshangwayo, indlela yokucwaninga nemigomo (theories, methodologies and principles) okubalulekile ekuphatheni ngendlela efanele nokugcina izinga lezinhlangano ezizimele nezomphakathi. Ibheke kakhulu emkhakheni wezimali (finance), ezomnotho (economics), eze-accounting, ukutshalwa kwezimali (investment), izibalo (mathematics) nokuqoqwa kwemininingwane (statistics). Uhlelo lweziqu i-Finance Honours lwamukela abafundi abaphase ngamalengiso abaphothule iziqu ze-Bachelor of Commerce, abebemeja ngesifundo i-Finance (sihambisana nemeja yesibili, okujwayele ukuba i-Economics, Management noma i-Accounting).

Izinhlelo ze-Bachelor of Business Science onyakeni wesine neze-Finance Honours zihlinzeka ngolwazi lwemibono namakhono olwazi olungathinti izinamba emikhakheni ye-econometrics, corporate finance, portfolio management, international business finance ne-financial modelling. Abafundi bathuthukisa amakhono okucubungula nokucwaninga, ukuxazulula izinkinga ezithinta ezezimali, nokuthi bafunde ukusebenza bodwa.

Lokhu kubasiza ukuthi bakwazi ukuqala umsebenzi ngendlela eyimpumelelo emkhakheni wezimali, nakwezinye izikhungo ezizimele nezikahulumeni lapho kudingeka khona amakhono ezezimali nokuphathwa kokutshala izimali. I-CFA Institute iyinhlangano yomhlaba yezifundiswa ezisemkhakheni wokutshalwa kwezimali. Iyingqwele yokuziphatha ngendlela eyamukelekile ezimakethe zokutshala izimali nomthombo wolwazi ohloniphekile emphakathini womkhakha wezimali emhlabeni. Bangaphezulu kwezi-160 000 emhlabeni jikelele abenemvume (charter) ye-CFA ezimakethe ezingama-164. Lesi sikhungo sinamahhovisi ayisishiyagalolunye emhlabeni kanti inamaqoqo abantu abali-161 okubalwa nelilodwa eNingizimu Afrika.

Amagama: yi-Ndabaonline

Isithombe: Sithunyelwe