Owayefundela ubuDokotela Ulubangise e-Oxford

BY: .

Click here for English version

UDkt Kapil Narain, owethweswa iziqu zobudokotela ngonyaka wezi-2020, ugixatshezwe ngomfundaze i-Rhodes Scholarship ukuthi ayofunda e-Oxford University ngowezi-2023.

Uhlose ukwenza iziqu zobudokotela i-DPhil on Clinical Medicine, agxile esifweni se-HIV Immunology.

Ama-Rhodes Scholarships yimifundaze yeziqu eziphakeme adala amathuba ashintsha imfundo yomuntu. Le mifundaze eyasungulwa ngonyaka we-1903, midala kanti cishe yiyona ehlonishwa ngaphezu kweminye emhlabeni.

U-Narain uzobalwa nezinye izingwazi esezake zathola lo mfundaze ezinjengongoti wezinkanyezi u-Edwin Hubble, owahlabana nge-Nobel wase-Australian u-Lord Howard Florey, umsunguli we-Fulbright Scholarship, u-James William Fulbright, owahlabana ngendondo yegolide kuma-Olympic u-William Warren Bradley, owayewuMongameli waseMelika u-Bill Clinton, iJaji u-Edwin Cameron, ijaji eselathatha umhlalaphansi laseNkantolo yoMthethosisekelo u-Bram Fischer, nesishoshovu esalwa nobandlululo noMeluleki wezoMnotho kaMengameli Ramaphosa nesishoshovu samalungelo abantu nawemvelo u-Kumi Naidoo, ukubala abambalwa. Bonke abathola lo mklomelo ngabantu nabaholi abahlakaniphile abasebenzela umphakathi.

U-Narain ungumholi ovelele osezuze imiklomelo eminingi, inxusa le-One Young World, udokotela, omunye we-Top 200 Young South Africans ye-Mail & Guardian, kanti waba ngomunye wabancane eMkhakheni wezeMpilo nowahlabana nge-Abe Bailey Travel Bursary ngowezi-2019. Unentshisekelo ngemfundo kanti ubhale amaphepha ocwaningo ayi-15 emabhukwini ocwaningo abuyekezwe ngabalingani bakhe.

Muva nje, u-Narain uqokwe ukuthi ashicilele umbhalo womhleli kwi- The Bulletin, ibhuku locwaningo elisemthethweni le-World Health Organization. Leli bhuku lisemabhukwini avelele angama-2.4% emhlabeni. Umbhalo wakhe, othi Strategies for malaria vaccination during the COVID-19 pandemic in African countries, wawugxile ezindleleni ezingasetshenziswa ohulumeni nabanye abalingani ukukhipha imigomo kamalalevela e-Afrika ngesikhathi sokudlanga kwe-COVID-19. U-Narain useke waba yisikhulumi ezingqungqutheleni eziningi zase-Afrika nase-Europe.

U-Narain waba ngowokuqala ukuthola umklomelo i-Rising Star award ye-South African Clinician Scientists Society (ngowama-2021), wathola indondo yobuholi kwi-Operation Smile South Africa ngokuba ngomunye wethimba layo (ngowama-2021) eyaqoqa izimali ukuze izingane eziyishumi ezinenkinga yodebe ziyohlinzwa futhi wahlabana nge-Best Emerging Leader Award yeDiscovery ngowama-2018.

Ngenkathi lizwa lezi zindaba iphini likaSihlalo we- Active Citizens Movement, inhlangano yomphakathi yamalungelo abantu, nelungu laseThekwini le-Amnesty International liphawule lathi: ‘Bayizigidi ezingama-38 abantu abanegciwne lesandulela-ngculazi kanti kanti amazwe ase-Afrika ngaphandle kwawaseNtshonalanga yayo yiwo athwele kanzima.

‘Ngaphezu kwalokhu, njengoba ngisebenza kwezempilo ezelapha umphakathi, ngihlale ngibona ukuthi isandulela-ngculazi uma singelashwa, simdlavaza kanjani umuntu nomphakathi. Isifiso sami wukuveza ezinye izinto ngesandulela-ngculazi ezizoba neqhaza ekuvezeni imithi yokuyigwema.’

U-Narain, owaqeqeshwa e-Centre for the AIDS Programme of Research in South Africa (e-CAPRISA) ngenkathi efundela ubudokotela, uhlose ukubuyela eNingizimu Afrika, abambe iqhaza ekuqhamukeni nekhambi nasocwaningweni. ‘Lilonke, ngihlose ukuba wusosayensi wase-Afrika onegalelo elibonakalayo emphakathini, ongeke agcine ngocwaningo nje kodwa ozokwenza futhi enze umsebenzi omkhulu ozokwelapha futhi ushintshe indlela okwenziwa izinto ngayo. Njengoba ngiyisitshudeni sobuDokotela nodokotela omncane ngicije odokotela abaningi e-Africa. Ngifisa ukukhula kulokhu ngiqeqeshe izitshudeni zase-Africa ngocwaningo kugcine ngokuthi kunciphe ongoti abahamba bayosebenza phesheya.

‘Ngithakase kakhulu ngokuqokwa ngibe yiRhodes Scholar. Lokhu kuwubufakazi bomsebenzi wami wokuba yisifundiswa, umholi nesishoshovu esilwela iqiniso. Ngihlose ukusebenzisa leli thuba kahle, ngiqhubeke nokuphosa esivivaneni ukwenza iNingizimu Afrika, i-Afrika nomhlaba okungcono.’

Amagama: ngu-MaryAnn Francis

Isithombe: Sithunyelwe