Isifundiswa Sikhethwe SanguMdidiyeli we-Survey of Peer Leaders

BY: .

Click here for English version

Umfundisi omkhulu esiKoleni seChemistry neFiziksi uDkt Vino Paideya ujutshwe ukuba abe wuMdidiyeli waseNingizimu Afrika we-South African National Resource Centre (i-SANRC), i-University of Johannesburg for the National Survey of Peer Leaders eyingxenye ye-International Survey of Peer Leaders (i-ISPL). Lolu cwaningo lukazwelonke lwenzelwe ukubona kabanzi ukuthi zinjani izinto abaholi abangontanga ababhekana nazo namandla obuholi emsebenzi wezemfundo.

I-ISPL ididiyelwa nguSolwazi Dallin Young, ongumcwaningi omkhulu wase-University of Georgia eMelika. I-SANRC ihlela ucwaningo eNingizimu Afrika. I-ISPL iwucwaningo lwamazwe amaningi abambe iqhaza anjenge-America, i-United Kingdom, i-Australia, iTurkey, iNetherlands njll.. I-SANRC Office iyisizinda se-First-Year Experience ne-Students in Transition kanti lisebenzisana nenhlangano “ewuzakwabo” i-University of South Carolina e-America.

UPaideya useke wasebenza ngokubambisana noDkt Annsilla Nyar e-ISPL Survey ne-SANRC kusukela ngonyaka wezi-2017. Useke waba ngumdidiyeli wase-UKZN ngeyezi-2014-2015 ISPL eyayihlose ukuba yisisekelo sabaholi abangontanga baseNingizimu Afrika naphesheya.

Ucwaningo lonyaka wezi-2022, oluqale ngoMasingana nonyaka, ngolujulile uPaideya uphosa esivivaneni ngendela ucwaningo oluthinta iNingizimu Afrika ngayo, kanti uhlwaya usizo lwezifundiswa zasemanyuvesi ahlukene eZikhungweni ZeMfundo ePhakeme futhi eseke zonke izikhungo ezicelweni zazo zokuthola imvume yokubamba iqhaza ocwaningweni.

Uchaze lo msebenzi wokusebenzisana ne-SANRC Office nabalingani baphesheya njengento emnandi kanti ukubheke ngabomvu ukusabalalisa imiphumela e-UKZN nakwezinye izikhungo ezibambe iqhaza ngonyaka wezi-2023.

Amagama: yiNdabaOnline

Isithombe: Sithunyelwe