Izifundiswa zase-UKZN zibe Yingxenye ye-Teaching Advancements at Universities Programme

BY: .

Click here for English version

UDkt Sharmla Rama weKolishi lezeSintu, uSolwazi Shenuka Singh weKolishi lezifundo Zezempilo kanye noDkt Annah Bengesai weKolishi Lezifundo Zomthetho nezokuPhatha; muva nje babambe iqhaza baba yithimba labesine lohlelo elaziwa ngele-Advancements at Universities (TAU4) Fellowship Programme.

Iseshini yokuqala ye-TAU4 ibanjelwe e-Birchwood Hotel, esesifundazweni saseGoli, nalapho u-Singh ebe yilunga elikhethelwe ikomidi lohlelo lwe-TAU4.

I-TAU Fellowship Programme yindlela kazwelonke yokungenelela nehlose ukuthuthukisa izinga lokufundisa kanye nasekufakeni ubungcweti emkhakheni wokufunda nokufundisa ezikhungweni zeMfundo ePhakeme zikaHulumeni. I-TAU ifakwe njengesithako ohlelweni eMnyangweni WezeMfundo ephakeme kanye Nokuqeqeshwa (DHET) ukuze ithuthukise izinga lezifundiswa njengothisha basemaNyuvesi futhi ixhaswe njengePhrojekthi yoBambiswano ngokusebenzisa i-University Capacity Development Programme (UCDP).

Uhlelo lwee-TAU lunamatemu amathathu: ukufunda kanye nokufundisa, imifundaze yokufunda kanye nokufundisa, kanye nokufaka isandla ekuletheni ushintsho.

Yilowo nalowo ozobamba iqhaza e-TAU uzohlabana ngegama elisha lokubizwa ngokuthi uyi-TAU Fellow uma nje eqeda ukwenza ucwaningo oluhlose ukuba labo ababambe iqhaza ohlelweni lwe-TAU bathuthukise amakhono abo okuzibandakanya kwezinye izinto, bazigqaje ngakho, bese bezifaka njengezishoshovu zoshintsho (ngayedwana noma beyiqembu) besebenza ukwakha indlela yokusebenza elungele ezeMfundo ePhakeme.

Iphrojekthi kaRama igxile kakhulu ezintweni ezihlonzwe yi-Academic Monitoring and Support Staff njengezingqinamba kanye nezinto asebeke babhekana nazo ekutheni bangaxoxisana kanjani kabusha noma bangalungisa kanjani kabusha ama-ukwehlukahlukana kobubona kanye nobuqiniso bempilo asebeyiphilile, iPhrojekthi ka-Singh inesihloko esithi: Technology-Assisted Engagement for Academic Success and Holistic Student Wellness in Health Sciences, kanti iphrojekthi kaBengesai igxile kakhulu emtheleleni ekungeneleleni kwe-AMS ekukhuthazekeni kwabafundi eNyuvesi yaKwaZulu-Natal.

Amagama: Melissa Mungroo

Isithombe: Sithunyelwe