Umculi Wase-UKZN Unonge we-24th JOMBA! Contemporary Dance Experience nge“Sound Spark”

BY: .

Click here for English version

Umfundi wakudala wase-UKZN nosengumculi ozinze eThekwini uMnu Nick Pitman uqhamuke nomsindo oyi-“sound spark” obizwa nge-“Power Station” wevidiyo yokukhangisa i-24^th JOMBA! Contemporary Dance Experience.

Lo mgubho womdanso uqale ngoLwesibili, mhla zingama-30 kuNcwaba ngonyaka wezi-2022 e-Elizabeth Sneddon Theatre.

Le vidiyo yokukhangisa iJOMBA! yenziwe futhi yadidiyelwa nguMnu Wesley Maherry kanti ineziqeshana zalo msebenzi wethulwa kwiJOMBA!

Ividiyo yeJOMBA! Itholakala ku: https://youtu.be/wQtS0kXbAbA.

‘I-Power Station iyavutha, okuyinto engekho eMzansi okwamanje. Ngiyajabula ukuthi ngikwaze ukufaka isinongo esincane kwiJOMBA! Festival 2022,’ kusho u-Pitman.

Umqondi wezobuciko weJOMBA! nomfundisi wezomdanso e-UKZN uDkt Lliane Loots uthe: ‘Siyawuthanda wonke umqondo wokuhlanganisa umdanso nomculo kanti lona wumucu ozokwendlalela ukhombise ukuthi sijabule kangakanani ukubuyela eshashalazini nokudala amathuba amaciko- mathupha nabukhoma futhi!’

U-Pitman ungumshayisiginci, uphrojusa, uthisha womculo oneminyaka engaphezu kweyi-10 nomculi ohlonishwayo eThekwini. Waphasa iziqu zomculo ngamalengiso isumma cum laude e-UKZN ngonyaka wezi-2018 egxile ekuqambeni izingoma nokuzididiyela. Ngaphezu kwakho konke lokhu, usake waqokwa kwiStandard Bank National Youth Jazz Band ngowezi-2016 nowezi-2017, waya kocula izingoma zakhe eCape Town, wadlala kwi-Oslo Jazz Festival eNorway ngowezi-2016.

Kulo nyaka udlale noMcCoy Mrubata eRainbow Restaurant noLu Dlamini eCentre for Jazz and Popular Music yase-UKZN nakwiConcerts SA Digital Mobility Fund (etholakala kuYouTube) naseBarnyard Theatre kwiThank You for the Music. Umculo wakhe uyatholakala ezinkundleni zomculo (iYouTube, iSpotify ne-Apple Music).

Ngena ku: https://www.youtube.com/Jomba_Dance ukubukela iJOMBA! nokuyilandela.

Lomgubho uqale zingama-30 kuNcwaba kuya kwi-11 kuMandulo. Amathikithi ayatholakala eComputicket.

Uhlelo lonke neminye imininingwane kutholakala ku: https://jomba.ukzn.ac.za.

Amagama: ngu-Melissa Mungroo

Isithombe: ngu-Alastair Fraser