UDkt uPeter Milligan, othole i-Discovery Foundation Rural Fellowship.Udokotela Wengqondo Uthole Uxhaso lwe-Discovery Foundation Ukuqinisa Umsebenzi Wokwelapha Ngengqondo
Click here for English version
UDkt Peter Milligan, ungoti wezengqondo oyinhloko yoMnyango Wezengqondo eNgwelezana Hospital eMpangeni, uthole I-Discovery Foundation Rural Fellowship Award emkhakheni wezikhungo.
Lokhu kuxhaswa kuzosiza ukwandisa umthamo futhi kweseke izikhulu zezokwelapha nabanye abasebenzi bezempilo ukuthuthukisa izinga lokwelapha ngokwezengqondo ezibhedlela eziyi-16 esifundeni esisenyakatho yeKwaZulu-Natali. Inani lalolu sizo yizi-R500 000 kanti luzokhokhelwa yiNyuvesi yaKwaZulu-Natali lungumthamo owodwa.
U-Milligan ugabe ngeminyaka engama-30 esebenza kwezempilo yomphakathi. Injongo yakhe enkulu wukusebenzela ukuhlanganisa ezempilo yengqondo nohlelo lokwelapha lokuqala.
Lolu sizo lwemali luzokhokhela izindleko zongoti zokufinyelela izibhedlela zesifunda nokuxilonga nokuqeqesha ngokuxhumana ngobuchwepheshe besimanje. Luzokweseka ukuqeqeshwa kwabasebenzi bezempilo ezibhedlela zesifunda ohlelweni lwe-Diploma ezifundweni zeMpilongqondo oluzothuthukisa amakhono nomsebenzi wezibhedlela zesifunda ukubhekana nezinkinga zempilo yengqondo.
U-Milligan uthe: ‘Ngijabule kakhulu futhi ngithakasile ngokuthola lolu sizo. Ukweseka umsebenzi wokwelapha izinkinga zempilo yengqondo ezibhedlela ezisemakhaya nasesifundeni yinto edingeka kakhulu esifundeni sethu. Lolu sizo luhlose ukwelekelela umsebenzi wokwelapha ngokwengqondo esifundeni sethu izifunda iKing Cetshwayo, uMkhanyakude neZululand. Miningi umsebenzi okufanele wenziwe njengoba sinezibhedlela zesifunda eziyi-16 eziphakela iNgwelezana Hospital esifundeni esisenyakatho yeKwaZulu-Natali.'
Amagama: wuLihle Sosibo
Isithombe: Sithunyelwe