Izifundiswa ze-Francophone Zethamele i-Post Doctoral Workshop Réunion

BY: .

Click here for English version

Abasebenzi ababili abasuka kwiSikole sezobuCiko, oDkt Philip Awezaye (ofundisa i-French kanye ne-Academic Learning in English) kanye no-Alexandra Stewart (we-French) babambe iqhaza kumhlangano wasebeneziqu obubanjwele e-University of Réunion (e-Le Tampon campus).

LoMhlangano uhlanganise ndawonye abacwaningi abasebasha ababuya emaNyuvesi ahlukahlukene asemazweni agudle i-Indian ocean ukuze bathuthukise amakhono abo kwezocwaningo, ukulekelela labo abenza ucwaningo abasathwasa kanye nokufundisa esigabeni seNyuvesi.

Lokhu kuqeqeshwa okuthathe iviki lonke bekuxhaswe yi-Erasmus+ International Mobility Programme kanye ne- Agence Universitaire de la Francophonie (AUF). Ibididiyele izihloko ezahlukahlukene ezazihlose ukuqeqesha abacwaningi abasebasha ngamakhono adingakalayo kulomhlaba wezifundiswa nokufundisa. Lezi zihloko bezididiyele ukwenziwa kocwaningo (ukushicilelwa kwemisebenzi eyenziwe noma ingqungquthela) indlela yokwethula isiFundo eNyuvesi; ukuthola, ukuthuthukisa kanye nokuqhakambisa iphrofayili yocwaningo lomuntu osuke umsiza ngocwaningo, ukugada ama-theses kanye nama-dissertation, kanye nezindlela zokwenza idata-analysis.

U-Steward uthe: ‘Lo mhlangano ube obuhlabahlosile futhi unosizo olukhulu nobunothe ngokuqeqeshwa komuntu siqu futhi yasilekelela ukuthi sithuthukise amakhono ethu esizokwazi ukuwasebenzisa ohambweni lwethu lokuba izifundiswa. Ukubambisana kubalulekile ngoba kuyasivumela ukuba sakhe ubudlelwano nezinye izifundiswa ezibuya esifundeni samazwe agudle i-Indian Ocean. Neqinisa umqondo we-la francophonie, umqondo wokuthi ulimi lwesi-French lukhona futhi luyasetshenziswa emazweni amaningi futhi luyindlela yokuxhumanisa abantu.’

Umhlangano uphethe ngezindaba ezinhle nezimnandi zokwenza ucwaningo ngokubambisana kwalezi zifundiswa nokufaka phakathi ukushicilelwa kwemisebenzi eqoqiwe nezoba nesihloko se-feminine resilience in Francophone literature bekwenza ne-University of Antsiranana ese- Madagascar, nosekuzale ukuthuthuka kwezabasebenzi emnyangweni wezobuciko.

USolwazi wase-UKZN u-Bernard De Meyer (we-French) ubengomunye wobesiza kulo Mhlangano , ehambisana naboSolwazi base-Réunion Island, e-Madagascar kanye nase-Kenya. Waba yingxenye yomhlangano wabeneziqu owawuyingxenye yalolu hlobo phambilini.

Amagama: Melissa Mungroo

Isithombe: Sithunyelwe