Ithimba laseSikoleni seZokuhlenga neZempilo zoMphakathi nethimba lase-M Projects nabaphathi base-Emmaus District Hospital belivakashele kulesi sibhedlela ukuzobheka indawo entsha yokuhlala abafundi bezobuDokotela zase-UKZN.Ziyaqhubeka Izinhlelo Zokwakha Indawo Yokuhlala Abafundi Esibhedlela I-Emmaus
Click here for English version
Ithimba lakwa-Professional Services eSikoleni seZokuhlenga neZempilo zoMphakathi liphelezelwa ngabamele i-M Projects, inkampani egxile ekuhlinzekeni ngezixazululo ezisheshayo ngezindawo zokuhlala, lalivakashele e-Emmaus District Hospital e-Winterton ngoLwesithathu mhla ziyi-6 kuNtulikazi.
Ngokuvakasha ithimba lihlangane nabaphathi besibhedlela, beholwa yiSikhulu eSiphezulu sesibhedlela uNks Ndileka Mzizi, lapho kukhonjwe khona indawo yokuhlala entsha yabafundi base-UKZN ezitshalelwe ukuzoqeqeshelwa ukwelapha emakhaya ohambweni lwesibhedlelala. I-M Projects ijutshwe ukwakha ikhaya labafundi.
Kudingidwe zonke izinhlelo ezithinta ukwakha izindawo zokuhlala ezine ezinegumbi elilodwa lokulala, kwaba nemibuzo nezincazelo.
UMzizi noDkt Mampho Mochaoa, oyiMenenja yeZokwelapha ebambile kulesi sibhedlela, bezwakalise ukubonga kwesibhedlela ngokwakha “ikhaya ekuhambeni” labafundi bezobudokotela. Kwaba nesiphakamiso sokuthi kule ndawo yokuhlala kuhlale nabahlengikazi abaqeqeshwayo nabantu beminye imikhakha ukuphucula nokweseka izindlela zokwelapha emiphakathini esezindaweni ezisemakhaya.
Amagama: wuLihle Sosibo
Isithombe: Sithunyelwe