Umklomelo I-Southern African Association of Health Educationalists Award Kumcwaningi WeMastazi YeSayensi Yezokwelapha

BY: .

Click here for English version

UDkt Leanthea Enoch, ongumsizi wothisha kwezokufundisa ngezokwelapha e-Nelson R Mandela School of Medicine yase-UKZN, unqobe i-Southern African Association of Health Educationalists (i-SAHHE) Award yangowezi-2022.

I-SAHHE yinhlangano yabafundisi besayensi yezempilo basemanyuvesi aseNingizimu Afrika, izinhlangano ezingenzi nzuzo nemikhakha kahulumeni nowezinkampani ezizimele. Ihlose ukuphucula izinga lokufundisa nokufunda emfundweni yesayensi yezempilo ukuhlinzeka ngezokwelapha ezisezingeni eliphezulu, elingabizi nezinekusasa ebantwini baseNingizimu Afrika emkhakheni kahulumeni nozimele.

U-Enoch unqobe emkhakheni wokukhuluma ngocwaningo lwakhe lweMastazi yeSayensi Yokwelapha osihloko sithi Accessing Medical Students’ Ability to Bridge the Theory Practice Gap in Clinical Skills Following Online Learning during the COVID-19 Pandemic.

Umeluleki wakhe ocwaningweni, uMdidiyeli wamaKhono Okwelapha noMfundisi, uDkt Reina Abraham, umhalalisele u-Enoch wathi: ‘UDkt Enoch wenze ucwaningo lwakhe ngomdlandla omkhulu nokuzinikela njengoba ezibophezele ekuphuculeni ukuqeqesha abafundi bethu kwezokwelapha. Ucwaningo lwakhe lubheke ushintsho olusha ezifundweni zokwelapha ngobuchwepheshe bokuxhumana besimanje ngesikhathi sobhubhane i-COVID-19.’

Ucwaningo luka Enoch lubalule ubuhle nobumqoka bohlelo lokufunda oluyingxube ezifundweni zokwelapha kwiziqu zokuqala nesidingo sokufaka uhlelo lokufunda ngobuchwepheshe bokuxhumana besimanje obusebenzisa izindlela ezintsha nezindlela zokuhlola ukweseka izindlela ezindala. 

Amava akhe emkhakheni wesesayensi yezokwelapha aqala ngeziqu kwiFiziyotheraphi e-University of Durban-Westville (esiyiNyuvesi yaKwaZulu-Natali manje). Une-Postgraduate Diploma kwi Anaesthesia yase-Colleges of Medicine of South Africa kanti uqedela iMastazi kwiSayensi yeZokwelapha e-UKZN njengoba ewungoti odaka imizwa yabahlinzwayo e-Prince Mshiyeni Memorial Hospital.

Amagama: wuMandisa Shozi

Isithombe: Sithunyelwe