Izifundiswa ze-SHS Zicobelele nge-Medical Education Transformation Esteji Sikazwelonke

BY: .

Click here for English version

Izifundiswa ezibuya eSikoleni seSayensi yezeMpilo sase-UKZN kamuva nje zethule ingqungquthela yakumabonakude (virtual workshop) kwinkomfa yasezweni lase-Canada ye-Medical Education.

Le ngqungquthela ibiholwa nguDkt Diane van Staden, uSolwazi kwizifundo zaMehlo, uyethule kanye noSolwazi Saul Cobbing, onguSolwazi emkhakheni we-Physiotherapy; uDkt Stacy Maddocks, onguMfundisi we-Physiotherapy; Nksz Zandile Shezi, ongumfundisi wezeziNdlebe; kanye noDkt Alvin Munsamy wezaMehlo.

Leli thimba lezifundiswa zesayensi yezempilo zithumele i-abstrakthi ukuze bethule amava abo nge-Transformation in South Africa’s Higher Education system: Academics in Health Professions Education nobekuyi-panel discussion.

I-abstrakthi yabo: Ushintsho kwizinhlelo zezemfundo emkhakheni wezempilo: izingqinamba, izidingo kanye namathuba kwamukelwe kwisigaba sokulinganga ngobuhlanga kwezempilo kanye nasendaweni yokufundela.

Leli thimba lethule inkulumo yalo ngengqungquthela ekumabonakude, becobelela ngamava abo ngayedwana kanye nawabo njengethimba khona la ngaphakathi eNingizimu Afrika, bexoxela izifundiswa kanye nezikhungo zemfundo ephakeme ezweni laseCanada, inhloso enye enkulu bekuwukuqhakambisa indaba yokulingana, ukungafani kanye nokubandakanywa ezinkundleni zezemfundo.

Ngokuka-van Staden, ‘Le-workshop yamkeleke kakhulu njengoba ibikhombisa kabanzi ngesipiloyoni sezifundiswa zase-Canada, izifundiswa zebala njengoba nabo benesifiso esifanayo ngoguquko okumele lwenzeke kwezemnfundo yasemazingeni aphakeme kwisayensi yezempilo ezweni labo.’

Amagama: ngu-Nombuso Dlamini

Isithombe: Sithunyelwe