Behlangene Bonke Lapha (Emuva) Usolwazi Mariam Adhikari; (Kusukela Ngakwesokunxele) Usolwazi Slotow, Unkz Shanti Ramkilowan, Usolwazi Gugu Mchunu, Mrs Thandiwe Ndebele Nosolwazi Busisiwe Ncama.Uhlelo Lwezokubelethisa Luphothulwe Ngokuyimpumelelo
Click here for English version
Uhlelo lwase-UKZN olubizwa nge-Healthy Mother and Healthy Babies by Empowering Midwives Project seluphothuliwe ngokusho konguMqondisi wohlelo uNkz Thandi Ndebele.
Lo msebenzi weminyaka emihlanu e-UKZN bewuhlinzeka ababelethisayo ngamakhono asezingeni eliphezulu kuhloswe ukuqinisa ezokunakekela uma kubelethiswa KwaZulu-Natal njengoba kuliwa ne-HIV/AIDS.
UNdebele uthe: ‘Lo msebenzi unikeze amakhono aphezulu ngokuqeqesha uphinde ufundise ababelethisayo ukuze bakwazi ukunakelela ngokufanele futhi basekele abesifazane ababelethayo nemindeni yabo kubalwa nalabo abanegciwane le-HIV.’
UNdebele uthe ephendula iphuzu mayelana nezinga eliphezulu lokufa uma kubelethwa KwaZulu-Natal, isikole kwezobuHlengikazi nezeMpilo yoMphakathi sibambisene noMnyango wezeMpilo baqale ukuqeqeshwa kwababelethisi ababhalisiwe abasezindaweni ezisemakhaya ukuze bathuthuke babe ababelethisi abasezingeni eliphezulu ukuze kuthuthuke nezinga lokunakekelwa kwabesifazane.
Lolu hleo oluphethwe isikole sezobuHlengikazi e-UKZN neBhodi Eyalulekayo banikezele ngeziqu kubabelethisi abangama-239 kanti kusalindeleke abanye abangama-104.
Lo msebenzi ubuxhaswe yi-Atlantic Foundation – Atlantic Philantropies.
‘Uhlelo lokwenza lo msebenzi lwaqala ngokuthuthukiswa kohlelo lokuzofundwa esigabeni sokubelethisa esiphezulu ngoba kuhloswe ukuxhumanisa ulwazi namakhono adingekayo ukuze kuvikelwe futhi kwelashwe i-HIV kwabesifazane ababelethayo nezinye izidingo zokunakekela,’ kusho uNdebele.
Nombuso Dlamini