uMnu Kershen Naicker noNks Chrisanne Naicker.Abafundi Beziqu Ze-Masters KwiKhemistri NeFiziksi Bawine Imiklomelo Engqungqutheleni Ye-Analitika
Click here for English version
Abafundi beziqu ze-Masters beSikole seKhemistri neFiziksi bawine imiklomelo engqungqutheleni yesi-7 ye-Analitika ebibanjwe Isigaba Sezokucubungula se-South African Chemical Institute e-Parys e-Free State.
Isihloko sengqungquthela besithi: Milestones in Measurements with various aspects of analytical chemistry discussed. Izikhulumi eziqavile ezivela emazweni aphesheya nezasekhaya bezibambe iqhaza.
Abafundi abaklonyelisiwe :
• uMnu Kershen Naicker osikhangiso sakhe besithi: Analytical Chemistry in Heterogeneous Catalysis iwine isigaba sePhosta Enhle Kakhulu ocwaningweni lwe-Spectroscopy
•
• noNks Chrisanne Naicker onqobe isigaba sePhosta Enhle Kakhulu ohlangothini locwaningo lwe-Chromatography ngesikhangiso ebesithi: Identification & quantification of the complex responsible for Ni uptake in the hyperaccumulator Berkheya coddii
•
UNks Naicker uthe uzizwe ehloniphekile ngokumela iSikole seKhemistri neFiziksi engqungqutheleni esezingeni eliphezulu kangaka nokuphinde awine. Lokhu kukhombisa ukuthi ucwaningo olwenziwa enyuvesi yethu lungaqhudelana nezinye izikhungo ezisezingeni eliphezulu. Ngiyabonga Ekolishi YezoLimo, Yezobunjiniyela NezeSayensi nabakwa-ANATECH ngoxhaso abangiphe lona olungivulele leli thuba.
UMnu Naicker uthe ukunqoba bekuyisimangaliso kodwa kugcwalisekise ukuthi ucwaningo olunhlobonhlobo olwenziwa eSikoleni seKhemistri neFiziksi eNyuvesi YakwaZulu-Natali lusezingeni eliphezulu kakhulu elilingana nezinye izikhungo eziphambili eNingizimu Afrika.
‘Lokhu kuwukuvuma ukuthi mkhulu umsebenzi owenziwa ngokuzikhandla nokuzinikela kwezocwaningo abafundi abahlukene esikoleni sethu.” uMnu. Naicker ube nenhlanhla yokuxhaswa yiqembu lakhe locwaningo.
UDkt Letitia Pillay uthe: ‘I-Analitika ibiyindawo efanele lapho abafundi bethu bebengathola ukuboniswa izinhlobonhlobo zocwaningo olwenziwa lapha ekhaya naphesheya kwezilwandle. Ngiyaziqhenya ngokuthi ukusebenza kwabo kanzima kube nokuhlonishwa futhi kuklonyeliswe.
Ingqungquthela ibiyenzelwe ukuthi ososayensi basekhaya nabaphesheya kwezilwandle bakhangise ngemisebenzi yabo, ubuchwepheshe obusha nentuthuko emkhakheni wokucubungula. Bekuyindawo efanele yokuqala ukusebenzisana phakathi kwabacwaningi. Ababebambe iqhaza bebembandakanya nabebemele amanyuvesi ahlukene, nezinye izikhungo zemfundo ephakeme kanye nosozimboni.
Lo mhlangano bewuhlelwe yiSigaba SezokuCubungula se-South African Chemical Institute, ChromSA, South African Association for Spectroscopic Society and ThermSA.