USolwazi wezifundo zamakhambi uyosebenza njengongoti womhlaba eNyuvesi yase-US

BY: .

Click here for English version

USolwazi Fatima Suleman onguSolwazi osanda kukhushulwa emkhakheni weSayensi yezamakhambi kwisikole seSayensi Yezempilo ekhempasini yase-Westville e-UKZN umenywe ukuyosebenza njengongoti womhlaba ngokubambisana neKolishi Lezifundo zamakhambi nezeMpilo  lase-Drake noSolwazi Oyisivakashi eNyuvesi yase-Drake, e-Iowa eMelika kusukela ngoMasingana kuya kuNhlaba wezi-2015.

USuleman wazi ngalesimemo ngenkathi evakashele iNyuvesi yase-Drake ngo-Nhlaba kulo nyaka eyovuselela ukubambisana phakathi kwe-UKZN neNyuvesi yase-Drake.Uhambo beluthinta nokuvakashela izingxenye zesikhungo, izingxoxo nabafundisi abathintekayo nabanye abasebenzi benyuvesi abakhulu. USuleman ubuye wathula inkulumo ebinesihloko esithi”Multicultural Approaches to Medicine Use-sholud we be concerned?”ebihlelwe yasingathwa yi-Principal Financial Group Center Global Citizenship(PFGCGC).

USuleman ubenguSolwazi eKolishi LezeSayensi Yamakhambi nezeMpilo emnyangweni Sayensi Yokwelapha eNyuvesi yase-Drake kusukela  ngonyaka wezi-2009 kuya kowezi 2012. Isicelo sokuba aqokwe njengongoti womhlaba safakwa uSolwazi John Rovers waseKolishi leSayensi Yezamakhambi nezeMpilo.

USuleman uthe:’ lokhu kuyithuba elihle kakhulu futhi ebelingalindelekile. Ngithintekile yisenzo sokungethemba kozakwethu futhi ngizimisele nokuphakamisa isithunzi se-UKZN ngesikhathi engizosichitha lapha.’

Ngokubambisana neNyuvesi yase-Drake uSuleman usesebenze ngezinhlelo zokushintshisana ngabafundi. Ukubambisana kwabasebenzi ezinhlelweni zocwaningo nezokufunda bekwenzeka phakathi kweNyuvesi yase-Drake ne-UKZN.

Ngenkathi esohambweni lwakhe lwamuva nje eMelika, uSuleman uhambele ingqungquthela ebise-Orlando e-Florida ye-Lifelong Learning in Pharmacy (LLLP) lapho athula khona izinkulumo zezithombe ezinezihloko ezithi: ‘Ukwazi ngomthelela wokwethembela ekusebenziseni imithini yiziguli uma kuqeqeshwa osomakhambi’ nesithi ‘Ingabe osomakhambi bayalusebenzisa ulwazi lokulondoloza nokulahlwa kwemithi. Ucwaningo kubantu abahlala emalokishini KwaZulu-Natali.’

Njengoba ukunakekelwa kweziguli okuthe xaxa kuyinjongo ephezulu, ingqungquthela i-LLLP ibisophe ukudingida izinto ezibalulekile nokuthuthukiswa kokusebenza ngamakhambi ngokufundisa nokuqeqesha.

-        uZakia Jeewa