06 July 2016 Volume :4 Issue :30

I-UKZN ibinomcimbi Wokufundwa Kwemibhalo Ekhethekile ka-Dkt Phyllis Naidoo

Kufundwa imibhalo ka-Phyllis Naidoo.

Click here for English version

Isizinda sase-UKZN i-Gandhi-Luthuli Documentation Centre ekhempasini yase-Westville sibe nomcimbi wokufundwa kwemibhalo ekhethekile nezincwadi zika Phyllis Naidoo ongasekho emhlabeni. Abebehambele lo mcimbi bafunde imibhalo nezincwadi zakhe futhi besho namahlaya angaye.  

Impilo ka-Naidoo – obeyisishoshovu esilwa nobandlululo, engummeli kanye nombhali - iqoshwe emibhalweni ekhethekile ese-Gandhi-Luthuli Documentation Centre.

Le mibhalo ihlanganise izincwadi, izithombe, okucashunwe emaphephandabeni neminye imibhalo efingqiwe engashicilelwanga ebalula igalelo lezishoshovu emzabalazweni. U-Naidoo wanikela ngalemisebenzi eNyuvesi ngonyaka wezi-2006.

Okucashunwe kwenye yezincwadi zika-Naidoo ethi 156 Hands that Built South Africa: The 1956 Treason Trial, kuqhakambise ukuzinikela kwakhe enkululekweni e-Ningizimu Africa. Enye yezincwadi zika-Naidoo ezazibhekiswe ku-Govan Mbeki ishicilelwe odongeni olukhulu esangweni lase-Robben Island.

Wahlonishwa owayenguMongameli, uThabo Mbeki nge-Order of Luthuli ngenxa yegalelo aba nalo emzabalazweni wentando yeningi okungukuhlonishwa okusezingeni eliphezulu kakhulu. Wayengumfundi wase-Nyuvesi yaseNatali futhi wahlonishwa ngeziqu zobudokotela yiNyuvesi yase-Westville ne-Durban University of Technology.

Wayaziwa ngokuzinikela kwakhe kanye nomoya ongadikibali, uNaidoo wadlula emhlabeni ziyi-13 kuNhlolanja enyakeni wezi-2013.  

• Isifundo saminyaka yonke Sesikhumbuzo sikaDkt Phyllis Naidoo sisanda kuhlehliswa ngenxa yokungatholakali kwesikhulumi u-Sophia Theresa Williams-de Bruyn. Owayeyisishoshovu somzabalazo u-de Bruyn babesemashini no-Lilian Ngoyi, Albertina Sisulu, Helen Joseph no-Rahima Moosa mhla ziyi - 9 kuNcwaba 1956, behlanganyele nabesifazane abayizi-20 000, belwisana nomthetho owawuphoqa abesifazane ukuthi baphathe amapasi.

 Raylene Captain-Hasthibeer

author : .
author email : .